लैङ्गिकताका आधारमा हुने महिला हिंसाका रुप
यहि
नोवेम्बेर २५ तारिख देखि
लैङ्गिकता का आधारित भएर हुने
महिला हिंसाको बिरुद्धमा १६
दिने अभियान चालिएको थियो |
लैङ्गिकताका
आधारमा महिला माथि हुने हरेक
किसिमको भेदभाव अनि हिंसाको
अन्त्यका लागि यो अभियान
चालिएको थियो | तर
के प्रत्यक बर्ष यस्तो अभियान
चालिंदैमा यस्तो किसिमको
हुने हिंसाको अन्त्य हुन्छ
त ? पक्कै
पनि हुँदैन, यो
त केवल समाजलाई झक झाकाउने
बाटो मात्र हो | हुन
त नेपाल सरकार ले विभिन्न
सामाजिक संस्थाहरु संग आबद्ध
रहेर यस्तो मुद्दाहरु को
बारेमा जन चेतना फैलाउने काम
त गरी राखेका छन् | तर
पनि लैङ्गिकता मा आधारित रहेर
हुने महिला हिंसाको अन्त्य
भने हुन सकेको छैन |
यसको
कारण पहिल्याउन पनि जरुरी
देखिन्छ | विभिन्न
कार्यक्रमको तर्जुमा हुनु
अनि त्यसको अग्रसरताको लागि
दिनरात खटिनु, यसमा
हामीले सोच्नु पर्ने नै देखिन्छ
आखिर किन सकारात्मक हुन सकी
राखेको छैन त ? यसको
मूल कारण के हो त ?
हामीले
सोच्नु जरुरी छ | हामीले
हाम्रो समाज अनि भूगोललाई
नबुझिकन बनाईएको कुनै पनि
नीति नियम अनि तर्जुमाले काम
गर्ने छैन | हाम्रो
समाजमा जरा गाडेर बसेको हाम्रो
परम्परा अनि सोचाई एउटा कारक
तत्वको रुपमा लिन सक्छौ |
जब सम्म
ति कारक तत्व को जरा उखेल्ने
काम हुँदैन तब सम्म यस्तो
किसिमको हिंसाको अवशेष विभिन्न
रुपमा देखा परिनै रहन्छ |
लैङ्गिकता
का आधारमा हुने हिंसा भनेको
लैङ्गिक पहिचानसंग जोडेर
हुने कुनै पनि किसिमको हिंसालाई
बुझ्न सकिन्छ | यसरी
हुने हिंसामा महिला,
पुरुष
जो पनि हुन सक्छन् |
यहाँ
हाम्रो समाजले गरेको लैङ्गिक
बिभाजनमा; पहिचान,
कामको
विभाजन, भेषभुषा,
आचरण,
स्वभाव
आदि इत्यादी पर्दछन भने यसै
अनुरुप कार्य संचालन हुन्छ
| यसरी
विभाजित कार्यले त्यस्तै
किसिमको मनोवृति,
संस्कार,
परम्परा,
रिति
थिति अनि वर्गको निर्माण हुन्छ
| सामाजिक
संरचनालाई संचालन गर्नको
लागि त्यहाँ कुनै किसिमको
विभेद अनि बिरोधको आभाष गरिंदैन
| समाज
यसरीनै चलिआएको छ र हामीले
पनि यसरीनै संचालन गर्नु पर्छ
भन्ने मान्यताको विकास भएको
हुँदा परिबर्तनको झिल्का
सजिलै संग कोर्न सकिंदैन |
आर्थिक
गतिबिधि संगै सरुवात भएको
लिङ्ग भेद अनि त्यसले गाडेको
जराले गर्दा महिला हिंसाको
सुरुवात भएको देखिन्छ |
पुरातनबादी
अनि पितृसत्तात्मक सोचको
अभिबृदीले यस्तो हिंसाले
प्रसय पाएको छ | यो
त भयो समाजमा देखिएका लैङ्गिकतामा
आधारित हुने महिला हिंसाको
पृष्ठभुमि | समाज
यस्तो जटिल अवस्थामा पुगिसक्यो
कि त्यहाँ अब हिंसाको कुरा
आउदा महिला शब्द पर्यायवाची
भइ सकेको छ | अनुसन्धानको
आँकडा हेर्दा पनि महिला भएकै
हिसाबले हिंसा खेप्नु परेको
छ | अब
यदि समाजमा कुनै पुरुषमाथि
हिंसा हुन गयो भने पनि त्यो
गौण अनि उपहासको पात्र बन्न
पुग्छ | महिला
हिंसा बिरुद्ध मात्र ऐन नियम
अनि कानुनको तर्जुमा भएको
हुँदा, यदि
कुनै पुरुष हिंसामा परेको छ
भने त्यसको विरुद्ध प्रक्रिया
संचालन गर्ने कुनै कर्यबिधिनै
छैन | न्यायलयले
पनि बिशेष प्रकृति मुद्दाको
रुपमा नहेरे सम्म त्यहाँ कुनै
नजिर कानुनको जन्म हुँदैन |
यी सबै
कुरा हाम्रो सामाजिक संरचना
अनि त्यसको आधारमा संचालन
हुने कार्यले गर्दा यस्तो
अवस्था सृजना भएको देखिन्छ
| अझ
लैङ्गिकतामा आधारित रहेर
हुने अर्को हिंसाको बारेमा
त समाज अहिले सम्म पनि मौन नै
छ | समाजको
आँखाले यस्ता किसिमको हिंसालाई
समाजको सदस्यलाई पर्दामा
उतार्न कहिले चाहना गरेन |
तेश्रो
लिंगी भनो या पारालिंगी,
एक त
यिनीहरुको अस्तित्व समाजले
स्वीकार्न त के आवाज पनि सुन्न
चाहेन | संधै
घरको चार भित्तामा दबाएर राख्न
खोज्यो | यो
पनि लैङ्गिकतामा आधारित हुने
एक हिंसाको रुप हो |
समाजमा
महिला हिंसाका अनेक रुपहरु
भेटिन्छन् त्यो ठाउँ,
प्रकृति
अनि भूगोल अनुसार फरक प्रकृतिको
देखिन्छन् | समाजमा
हुने महिला हिंसाको रुपलाई
यसरी वर्गीकरण गरी हेर्न
सकिन्छ |
मनोबैज्ञानिक
रुपमा गरिने हिंसा –
हाम्रो समाजमा
निकैनै प्रचलित भनाई “छोरीको
जात अर्काको घर जाने जात हो
|” सामाजीकरणको
अभ्यासमा प्रचलनमा आउने यस्तो
किसिमको भनाइले एउटी छोरीलाई
न उसको जन्म घर अनि न त कर्म
घर नै उसको हो भन्ने सोचको
अभिबृति गराउदछ | यस
किसिमको सोचाई अनि भनाइले
आत्मबल घटाउने काम गर्दछ,
र एउटा
हिंसाको रुप यसै बाट सुरु
हुन्छ |
सार्वजनिक
स्थानमा हुने हिंसा – बाटोमा
हिंड्दा होस् या सार्वजनिक
यातायात, भिडभाडमा
होस् हिड्ने ठाउँ हुँदा हुँदा
पनि ढेसिएरनै जान्छन् |
आफ्नो
सुरमा हिंड्दा पनि सिट्ठी
बजाउने देखि लिएर जिस्काउने
प्रवृतिको त कुरा गर्ने पर्दैन,
यो हामी
सबैले भोगेकै कुरा हो |
यसरी
सार्वजनिक स्थानमा घट्ने
घटनाले सबै केटीहरु लाई हिंड्न
सहज हुँदैन | झन्
रात्रिको समयमा हिड्ननै मन
गर्दैनन् | अनि
घर बाट पनि समय छदै घरमा पस्नु
भन्ने आग्रह हुन्छ |
यो पनि
एक किसिमको हिंसानै हो तर
हाम्रो समाजमा यस्तो क्रियाकलाप
यति हुन्छ कि हामी केटीहरु
वास्तानै नगरी समस्या पन्छाउन
खोज्छौ | त्यसको
प्रतिकार गर्दा झन् अर्को
विपति आइलाग्ने त होइन भनेर
चुप लाग्छौं | फेरी
यस्तो समस्या समाधान गर्नको
लागि कसैको मद्दत पनि मिल्दैन
| त्यसकारण
पनि हामी मध्य प्राय चुपनै
रहन्छौ |
सांस्कृतिक
अनि परम्परागत रुपमा हुने
हिंसा – छुई बार्नु
पर्ने परम्परा पनि एक किसिमको
हिंसा नै हो | हुन
त यसको सांस्कृतिक मान्यता
आफ्नो ठाउमा होला |
तर
नेपालको सुदूरपश्चिममा जसरी
महिनावारी भएको समयमा छाउ
बार्नु पर्छ त्यसलाई हिंसाकै
रुप भन्दा फरक पर्दैन |
जुन
बेला झन् ताकतिलो खाना अनि
सरसफाईमा ध्यान दिनु पर्ने
हो त्यस्तो बेलामा गोठमा बस्नु
पर्ने हुन्छ | कसैले
भने छाप्रो जस्तो छाउ घर बनाएका
हुन्छन्, जुन
सुरक्षाको दृष्टिले एकदम
असुरक्षित हुन्छन् |
वर्षा,
हावा
पानीको कुरै छोडोउ कतिजना त
जंगली जनावरको शिकार हुन
पुगदछन् भने, कति
जना त्यहि छाप्रोमा बलात्कृत
हुने गर्दछ, जुन
कुरा समाचारमा बेला बेलामा
छापीने गर्दछ |
त्यस्तै
गरेर दाइजो प्रथा पनि महिला
माथि हुने हिंसाको एक कारक
तत्व हो | कति
महिला दिदीबहिनीहरु यहि दाइजो
को कारणले जिउदै आगोमा जल्न
बाध्य छन् | आफ्नो
बाबु आमाले जसो तसो ऋण लिएर
भए पनि दाइजो दिनु पर्ने हुँदा
, माईति
सम्झेर आउने घर पनि रहँदैन |
यस्तै
परम्पराले गर्दा कति महिला
घरेलु हिंसाको शिकार भएका
छन् | आफ्नो
गरी खाने भाँडो पनि नभएको
हुनाले घरबाट निस्केर आफु
माथि हुने हिंसाको बिरोध पनि
गर्न सक्दैन् |
श्रीमान्
को मृतु पछि विधवा बार्नु
पर्ने | जिन्दगी
भरि सेतो लुगा मात्र लगाउनु
पर्ने | आफुले
मन लागेको ठाउमा जान नपाउने
| पहिला
लक्षिनको रुपमा हेर्ने नारीलाई
अलक्षिनाको रुपमा परिचय बन्न
पुग्दछ | धन्न
आज हाम्रो समाजमा सति प्रथा
जिउदो छैन | नत्र
भने कति नारी आफ्नो श्रीमानको
पाप पखाल्न जिउदै चित्तामा
जल्नु पर्दथियो |
त्यसको
लागि श्री ३ चन्द्र शमशेरलाई
धन्यवाद दिनु नै पर्छ |
सांस्कृतिक
परम्पराको रुपमा बिध्यमान
रहेको अन्धबिश्वास बोक्सीको
संज्ञा दिनु पनि महिला माथि
हुने हिंसाको एक जटिल उदाहरण
हो | बोक्सीको
आरोपमा पनि थुप्रै महिलाहरु
हिंसाको शिकार भएका छन् |
मलमुत्र
खुवाउने देखि लिएर,
कुटपिट
गर्ने, जलाउने
अनि टोलबाट निकालिदिने गर्दछन
| यस्तो
किसिमको अन्धबिश्वासले कति
नारी हिंसामा परेका छन् त्यो
अनुमान लगाउनै सक्दैनौ |
दिनै
पछी समाचारको बिषय बन्ने यस्तो
घटना झन् समाजमा कति घटदछन्
| त्यस
कारणले अब देखि यस्तो घटनाको
शिकार हुन नपरोस् भनेर यस
सम्बन्धी छुटै ऐन तयार भएको
छ |
शारीरिक
रुपमा हुने हिंसा – यस
किसिमको हिंसाको कुरा गर्ने
हो भने यो दिनै जस्तो समाचारको
बिषय बन्न पुग्दछ |
बलात्कारको
घटना भनौ या सार्वजनिक स्थानमा
हुने लैङ्गिक हिंसा,
यो
दिनहु जसो महिला ले भोग्नै
परेको छ | त्यस्तै
गरेर घरमा पनि आफ्नो लोग्नेको
कुटाई दिनहु रुपमा खेप्नु
परेको छ | त्यस्तै
गरेर लोग्नेको यौन इच्छा
मेटाउनको लागि इच्छा नहुँदा
पनि बलात्कृत हुनु पर्ने
बाध्यता छ | झन्
अहिले आर्थिक संकटका कारण
कामको खोजीमा हिंड्ने महिलाहरु
दिनहु जस्तो विभिन्न सहरमा
बेचिरहेका छन् | कसैको
बाध्यता अनि गरी खाने केहि
नभए पछी यसरी यौन व्यवसायमा
लाग्ने गर्दछन | यो
पनि हाम्रो समाजमा हुने एक
हिंसाकै रुप हो |
सामाजिक
सन्जालमा हुने हिंसा – आजको
युग प्रविधिको विकासले शिखरमा
चुमेको समय हो | जाहाँ
स्मार्ट फोन अनि मोबाइलको
नेटवर्क पुगेको छ त्यहाँ
सामाजिक सन्जाल नचलाउने त
कुरै हुँदैन | अझ
त्यसमा पनि फेसबुक नचलाउने
अहिले कोहि पनि हुँदैन |
तर यसरी
नजानिदो तरिकाले प्रविधिको
प्रयोग गर्दा त्यसै बाट हिंसाको
शिकार हुन पुगेका छन् |
सामाजिक
सन्जालमा राखिएका फोटोहरुको
दुरुपयोग हुने, फर्जी
नामबाट एकाउनट बनाइदिने हुँदा
त्यसबाट मानशिक अनि सामाजिक
अपहेलानाले शिकार बन्न पुग्दछ
|
अन्य:
यी माथि
उदाहरण दिएका हिंसाका स्वरुप
हाम्रै देशको घर आँगनमा देखिने
हिंसाका अंश हुन् |
यस्ता
किसिमको हिंसा नेपालमा मात्र
होइन हरेक देशको समाजमा भेट्ने
गरिन्छ, चाहे
त्यो सम्बृद्ध देशनै किन
नहोस्, लैङ्गिकताका
आधारमा महिला हिंसा भने हुने
गरेको पाइन्छ | फिमेल
जेनिटल मुटिलेसन् (FGM)
को
बारेमा त सबैलाई जानकारीनै
होला | तर
कतिपयलाई थाहा नहुन पनि सक्छ
| यो
पनि महिला हिंसाको एक दर्दनाक
हर्कत हो | हुन
त यसलाई विभिन्न देशमा कानुनी
रुपमा हटाई सके ता पनि,
गैरकानुनी
रुपमा भने हुँदै आएको छ |
यस्तो
किसिमको प्रवृति दक्षिण
अफ्रिकामा मात्र होइन,
आर्थिक
सम्बृद्धिले गगन चुमेका
यूरोपियन राष्ट्रहरुमा पनि
हुने गर्दछ |
त्यसतै
गरेर ब्रेस्ट आईरोनिंग (Breast
Ironing) गर्ने
चलन पनि परम्परागत रुपमा अहिले
सम्म पनि चली आएको छ |
क्यामरुन,
नाइजेरिया,
दक्षिण
अफ्रीका देखि लिएर हजारौ
केटिहरु यु.के
का राष्ट्रहरुमा पनि संबेदनशील
अवस्थामा भेटिन्छन |
जाहाँ
एउटा महिला भएर,
प्राकृतिक
रुपमा उसले पाउने आफ्नो शारीरिक
बनोटलाई पनि, सामाजिक
कु-मान्यताले
गर्दा कैयौं कठिनाई सहेर कुरूप
बन्नु पर्ने अवस्था छ |
आफ्नो
योनिकताको पनि अधिकार छैन,
जुन
प्राकृतिक देन हो |
जुन
सृष्टिको शृजना यसै बाट हुन्छ,
त्यसलाई
एउटा महिला भएको हिसाबमा
अनुभूत पनि गर्न सक्दिन |
यस्तै
प्रकारका विभिन्न हिंसा एउटा
महिला भएकै हिसाबले खेप्नु
परेको | यसरी
लैङ्गिकताका आधारमा हुने
हरेक किसिमको महिला हिंसाको
अन्त्यका लागि, त्यसै
अनुरुपको कार्यक्रमको तर्जुमा
गर्नु पर्ने देखिन्छ |
सामाजिक
परिवेश अनुसारको शिक्षा नीति
ल्याउन जरुरी देखिन्छ |
ता कि
हाम्रो समाजमा जे भई राखेको
छ त्यो किन अनि के कारण ले
भईराखेको छ | त्यसको
अन्त्यका लागि कस्तो खाले
उपाय अपनाउनु सकिन्छ भन्ने
कुराको जनस्तर बाटै चेतना
फैलियोस् | आर्थिक
पक्ष पनि कारक तत्व भएको हुनाले,
महिला
शिप अनि अभिमुखिकरणको कार्यक्रम
ल्याउन जरुरी देखिन्छ |
त्यस्तै
गरेर राज्यको तर्फ बाट पनि
त्यस्तै किसिको नीति नियम को
तर्जुमा अनि कार्यावयन गर्नु
पर्ने देखिन्छ | र
सबै जनाले स-चेतना
अनि साथको प्रतिबद्धता जनाउनु
पर्ने छ |
Comments